CALL FOR PAPERS: 8º Congreso Internacional CEISAL 2016 en Salamanca

O Consejo Europeo de Investigaciones Sociales de América Latina (CEISAL) e o Instituto de Iberoamérica da Universidad de Salamanca organizando o 8º Congreso Internacional CEISAL 2016: “Tiempos posthegemónicos: sociedad, cultura y política en América Latina”, que se celebrará en Salamanca do 28 de xuño ao 1 de xullo de 2016. No mesmo daranse cita investigadores de tódolos eidos das ciencias sociais, de cara xerar espazos de reflexión plurais e críticos dende diferentes disciplinas, para avanzar no coñecemento da realidade social, cultural, económica e política de América Latina en tiempos posthexemónicos. O Congreso articúlase en diversos eixos temáticos que cubren tódalas ciencias sociais. Dentro do eixo da comunicación celebrarase o simposio “Comunicación y cambio social”, coordinado por Marcelo Martínez Hermida, coordinador da Rede Europa-América Latina de Comunicación e Desenvolvemento (REAL_CODE) así como do proxecto CIDEC; e por Ana Tamarit, da Universidade Estatal de Milagro (UNEMI). Dende a REAL_CODE e o proxecto CIDEC convídase a tódolas persoas que realizan investigación sobre comunicación, comunidade e cambio social que envíen os seus abstracts para participar neste simposio. O prazo de presentación de propostas de ponencias remata o 30 de outubro. O 16 de novembro comunicaranse as ponencias aceptadas e os investigadores terán ata o 30 de marzo de 2016 para o envío das mesmas. Pódese consultar toda a información relativa ao Congreso na súa web: http://ceisal2016.usal.es/es/.

Advertisement