O grupo GEFIL (USC) intégrase na REAL_CODE

[GEFIL group (USC) joins the network REAL_CODE]

O Grupo de Investigación Galego de Estudos para a Formación e a Inserción Laboral (GEFIL), da Universidade de Santiago de Compostela (USC), vén de sumarse á Rede Europa – América Latina de Comunicación e Desenvolvemento (REAL_CODE) e mais ao proxecto CIDEC. A carta de adhesión foi firmada a semana pasada polo coordiandor de GEFIL, o Doutor Antonio Rial, e polo coordinador de REAL_CODE e do proxecto CIDEC, o Doutor Marcelo Martínez. Mediante esta adhesión á rede, búscase fortalecer ao proxecto CIDEC no eido metodolóxico. Esta proxecto de investigación está financiado pola Xunta de Galicia e os fondos FEDER da Unión Europea.

Advertisement

O grupo CCCS de UNEMI (Ecuador) intégrase na REAL_CODE

De esquerda a dereita: o Dr. Marcelo Martínez, Jéssica Yépez, Juan Carlos Cevallos e a Dra. Ana Tamarit

[CCCS group (UNEMI, Ecuador) joins the network REAL_CODE]

O grupo de investigación CCCS (Comunidad, Comunicación y Cambio Social) da ecuatoriana Universidade Estatal de Milagro (UNEMI), vén de sumarse á Rede Europa – América Latina de Comunicación e Desenvolvemento (REAL_CODE) e mais ao proxecto CIDEC.  O acordo asinouse durante estancia en Ecuador do Dr. Marcelo Martínez, coordinador tanto de CIDEC como de REAL_CODE. Nos próximos días, Juan Carlos Cevallos, membro do CCCS, visitará a Universidade de Santiago de Compostela, no cadro do proxecto CIDEC. Deste xeito, estréitase a colaboración entre Ecuador e Galicia, arredor deste proxecto de investigación financiado pola Xunta e os fondos FEDER da Unión Europea.

Conversa con Peter Lewis e Sonia Livingstone

Sonia Livingstone, Marcelo Martínez, Carme Mayugo e Peter Lewis

[CIDEC members discuss  community communication and media literarcy with Peter Lewis and Sonia Livingstone.]

Durante a súa estadía en Londres, os investigadores do proxecto CIDEC Carme Mayugo e Marcelo Martínez celebraron unha conversa con dous destacados especialistas no ámbito da comunicación e o desenvolvemento, Sonia Livingstone (London School of Economics) e Peter Lewis (London Metropolitan University). Sonia Livingstone é profesora de psicoloxía social e ten focado a súa investigación nas relacións entre a infancia e os medios de comunicación. Pola súa banda, Peter Lewis ten traballado sobre comunicación comunitaria, en relación coa que desenvolveu a noción de cohesión social.

Encontro co colectivo de artivismo e educomunicación Platform

Reunion de representantes de CIDEC con Platform, en Londres o 3 de decembro

[CIDEC  has met PlatformLondon, an organisation which combines art, activism, education and research ]

Membros do proxecto CIDEC viaxaron a Londres na primeira semana de decembro para manter distintas xuntanzas con colectivos e investigadores que traballan en proxectos de Educomunicación. Un dos primeiros encontros foi o 3 de decembro co colectivo Platform, que traballa combinando activismo, arte, educación e investigación.

O Proxecto Socheo intégrase na REAL_CODE

[The audiovisual collective Proxecto Socheo joins the network REAL_CODE]

A Rede Europa América Latina de Comunicación e Desenvolvemento continúa a establecer lazos de colaboración con entidades do tecido asociativo galego, especialmente con aquelas que tratan de empregar as ferramentas comunicativas para a transformación social. Esta mañá Marcelo Martínez , coordenador da Rede, asinaba con Beli Martínez, secretaria da Asociación Cultural Socheo, o documento polo que se formaliza a integración deste colectivo.

O Proxecto Socheo, creado na Guarda por un grupo de persoas vencelladas ao movemento veciñal e ao audiovisual, traballa para localizar, inventariar e estudar os arquivos audiovisuais gravados na comarca do Baixo Miño, como parte do patrimonio e da memoria colectiva local. Froito da súa colaboración co IES A Sangriña, veñen de ser merecedores do Premio ao mellor proxecto de Alfabetización Audiovisual concedido polo ICAA e 2014.

O Valedor do Pobo asina unha carta de apoio ao proxecto CIDEC

O Valedor e o IP asinando a carta de apoio

[The Galician Ombudsman joins Cidec Research Project]

O Valedor do Pobo de Galicia, Julio José Fernández Rodríguez, fixo público o apoio do organismo ao proxecto CIDEC. O Valedor asinou unha carta de apoio e adhesión ao proxecto nun encontro co investigador principal (IP) do mesmo, Marcelo Martínez, celebrado onte na sede do Valedor do Pobo en Santiago de Compostela.