I Encontro ‘Cidadanía e Educomunicación: cara unha comunicación non excluínte’

O proxecto Cidadanía e Educomunicación (CIDEC), desenvolvido por 5 grupos de investigación galegos, dentro da Rede Europa-América Latina de Comunicación e Desenvolvemento (REAL_CODE), organiza o I Encontro Cidadanía e Educomunicación: cara unha comunicación non excluínte. Celebrarase en horario de mañá e tarde o luns 25 e o martes 26 de maio, na Facultade de Ciencias da Comunicación da Universidade de Santiago de Compostela (USC). O Encontro xirará en torno aos grupos sociais máis vulnerabilizados da nosa sociedade, e fomentará a posta en marcha dunha comunicación non excluínte, que facilite o empoderamento destes grupos. O proxecto CIDEC está financiado pola Xunta de Galicia e os fondos FEDER da Unión Europea.

Advertisement

Últimas xornadas do seminario CIDEC ‘Análise de cinco conceptos chave’

[Last journeys of the seminar ‘Analysis of five key concepts’]

O xoves día 12 de Febreiro, terá lugar a cuarta sesión do seminario ‘Análise de cinco conceptos chave’, que xirará en torno á comunidade. Dita sesión será impartida por dous membros do Proxecto Derriba, Abraham Rubín e Lucía Castro. O seguinte xoves, 19 de Febreiro, rematará o seminario, organizado dentro dos cursos de formación do proxecto CIDEC, coa derradeira sesión sobre cidadanía, impartida por Beatriz Blanco, que xa se fixera cargo das dúas primeiras clases celebradas a finais do ano pasado sobre dereitos humáns e subalternidade. Ambas sesións terán lugar na aula S3 da Facultade de Ciencias da Comunicación da Universidade de Santiago de Compostela (USC), en horario de 16.30 h. a 19.30 h.

ACPP e Agareso organizan o V Seminario ‘Xornalismo social e cooperación internacional’

[ACPP and Agareso organized the seminar ‘Social Journalism and International Cooperation’]

A Asociación Galega de Reporteiros Solidarios (Agareso) e a ONG Asemblea de Cooperación pola Paz (ACPP) veñen de abrir o prazo para inscribirse na quinta edición do Seminario ‘Xornalismo social e cooperación internacional’. O curso inclúe unha expedición a Marrocos onde dúas das participantes traballarán con organizacións locais. Agareso forma parte activamente da base social de Rede Europa – América Latina de Comunicación e Desenvolvemento (REAL_CODE). Tanto dende REAL_CODE como dende o proxecto CIDEC, apoiase activamente esta iniciativa, que busca tender pontes entre a investigación e as organizacións sociais, a través da formación.

Seminario sobre os índices de medición dos medios e o empoderamento cidadán

Palmira Chavero foi coordinadora do ‘Índice de Vulnerabilidad de los Derechos en los Medios’ de Ecuador

[CIDEC seminar about Media Vulnerability Index as a tool of media control and social empowerment]

O vindeiro luns 15 de decembro dará comezo na Facultade de Ciencias da Comunicación un novo seminario encadrado no proxecto Cidadanía e Educomunicación. Neste caso tratarase o tema dos índices de medición para a análise dos contidos dos medios de comunicación. O seminario analizará tamén o papel do cidadán no sistema de comunicación, a importancia de xerar redes sociais e arroxará as pautas necesarias para enfrontar unha lectura crítica dos medios de comunicación.

Seminario sobre emancipación cidadá e comunicación transmedia, a vindeira semana

O profesor Denis Renó

[Next week it will take place the seminar ‘Citizen empowerment as transmedia communication strategy]

O profesor da Universidade Estadual Paulista do Brasil, Denís Renó, impartirá entre o martes 9 e o venres 12 de decembro o seminario ‘Emancipación cidadá como estratexia de comunicación transmedia‘. Este curso de formación inscríbese dentro do proxecto CIDEC. O seminario terá lugar no seminario 3 da Facultade de Ciencias da Comunicación da Universidade de Santiago de Compostela (USC). O curso celebrarase durante os catro días dende as 16.30 h ás 19.30 h. A inscripción é gratuita e pode levarse a cabo escribindo un mail a proxectocidec@gmail.com.

O Seminario de Análise Crítica do Discurso levarase a cabo do 17 ao 20 de novembro

[Seminar on Critical Discourse Analysis by professor Félix Balanzó]

O seminario Análise Crítica do Discurso: acerca do texto estraño de obrigado cumprimento celebrarase ao longo da semana que vén.Dito seminario inaugura os cursos de formación do proxecto CIDEC, destinados a investigadores, estudantes, xornalistas e membros de organizacións sociais ligados ao ámbito das ciencias sociais. O seminario será impartido polo Doutor Félix Balanzó da Universitat Autònoma de Barcelona (UAB), de luns a venres, en horario de 16:30 a 19:30, na Sala de Doutoramento da Facultade de Ciencias da Comunicación en Santiago de Compostela.

Filosofía contemporánea para entender conceptos clave

Imaxe representativa do colectivo filosófico Proxecto Derriba

[Contemporary philosophy to understand key concepts]

O 26 novembro ás 16:30 terá lugar na Facultade de Ciencias da Comunicación da USC a primeira sesión do seminario “Análise de cinco conceptos chave”, impartido por integrantes do Proxecto Derriba, unha organización sen ánimo de lucro dedicada á reflexión filosófica.

Esta primeira sesión será impartida por Beatriz Blanco, e tratará sobre o concepto de dereitos humanos.

Comezan os cursos de formación

O profesor Xesús Lage durante unha das sesións de formación

[Cidec Project launches a training programme for scholars]

O proxecto Cidec bota a andar coa posta en marcha dun programa de formación dirixido a investigadores do ámbito da comunicación, da socioloxía e da educación, así como a xornalistas e cidadáns ligados a organizacións sociais. Entre os meses de novembro e febreiro impartiranse na Facultade de Ciencias da Comunicación da Universidade de Santiago seis seminarios a cargo de reputados docentes. Os cursos serán plenamente sufragados polo proxecto, de tal forma que a matrícula é completamente gratuíta. Para inscribirse, os interesados terán que enviar o seu nome completo, o seu número de DNI e máis o seu curriculum vitae de acordo cos estándares europeos á dirección de correo electrónico: proxectocidec@gmail.com.